Mu turere 28 tugize u Rwanda, 14 muri twa dufite ibikorwa by’ibanze nk'amashuri y'abana, amatsinda y'ingimbi n'abangavu, n'inziga z'amasomo. Uturere 17 dufite Inteko z’Ubutungane z’Imirenge—aho hari Inteko 33 zikora mu mwaka wa 182 BE—kandi 25 dufite nibura Umubahá’í umwe utuye muri utwo turere. 

U Rwanda rufite ubu abantu 135 badasubirwamo b’abakozi b’ubwitange bakora neza bayobora gahunda eshatu z’uburezi mu turere 14 twatoranyijwe nk’utwihutirwa (Gatsibo, Kayonza, Rwamagana, Kigali, Nyamagabe, Rubavu, Rusizi, Rutsiro, Bugesera, Kirehe, Musanze, Ngororero, Kamonyi, na Karongi), buri umwe akora nibura igikorwa kimwe cy’uburezi. Hari ibikorwa by’uburezi 190 bifite abitabira 1,884 mu Rwanda hose. Soma raporo yose ➡️

Mu ukwemera Bahá'í Iyemeza ry'igihugu (Convention Nationale) ni igikorwa cy’ingenzi gihuza intumwa ziturutse hirya no hino mu gihugu, zigateranira hamwe mu mwuka w’amasengesho, ituze n’ubwubahane, hagamijwe kuganira ku iterambere ry’Umurimo no gutora abagize Inteko Nkuru y’Igihugu.

Iri yemeza rirangwa n’umwihariko utandukanye n’izindi nama zisanzwe, kuko ishingiye ku mahame y’umwuka n’ubumwe.

Mu Rwanda abahai bakoraga iyemeza kunshuro ya 52, Aho iyemeza ryabereye ku ihuriro ry'aba Baha'i riherereye kumusozi wa rebero mu mugi wa Kigali.

 Rikaba ryarasize hatowe abagize inteko y'ubutungane y'igihugu igizwe n'abanyamuryango 9 bazayobora mu mwaka wa 183 kungengabihe Baha'i aribo; 

• Catherine Honeyman 

• Basile Seburikoko

• Judith Nyamoga

• Anis Ndayisaba

• Pascal Sibomana

• Navid Dejwakh

• Seraphine Nyirabagenzi

• Nasim Parsa

• Vincent Nshimiyimana

Iri yemeza ryamaze iminsi itatu kuko ryatangiye tariki ya mbere kugera kuya 3 gicurasi. 

Rikaba ryaritabiriwe n'umujyanama ushinzwe umugabane wa africa ariwe judicaël, Aho yabashije gufasha abadelege kwiga ubutumwa butandukanye bwinzu nsanganyasi y'ubutabera.

Muri iri yemeza Kandi Abitabira bose bashyira imbere inyungu rusange, bagaharanira icyateza imbere Umurimo, aho kuyoborwa n’inyungu zabo bwite.

Nk’uko Bahá'u'lláh abivuga:

“Mujye mugirana inama muri byose, kuko inama ari itara ry’ubuyobozi rigaragaza inzira kandi ritanga gusobanukirwa.”

Iri jambo rishimangira ko kujya inama ari ishingiro ry’imiyoborere n’iterambere.

Mu biganiro bikorwa mu iyemeza (Convention) buri wese ahabwa umwanya wo gutanga igitekerezo cye mu bwisanzure busesuye, kandi mu bwubahane.

Ibi bituma habaho gufata ibyemezo bifite ireme kandi byumvikanyweho. Umugaragu w'ukwemera Abdu'l-Bahá yagize ati:

“Abayigize bagomba kugirana inama mu buryo butuma hatagira umwuka mubi cyangwa amakimbirane… kandi iyo hari utavuga rumwe n’abandi, ntakwiye kubifata nabi.”

Kimwe mu bintu by’ingenzi bigaragazwa muri Convention Nationale ni uburyo amatora akorwa. Aya matora aba mu mwuka w’amasengesho no gutekereza byimbitse, aho buri mutora ahitamo mu bwisanzure, atagendeye ku marangamutima cyangwa ku nyungu ze bwite. 

Nk’uko Shoghi Effendi abisobanura:

“Utora agomba kuyoborwa gusa no gutekereza ku nyungu z’Umurimo, atagamije inyungu ze bwite.”

Nanone kandi, Convention ni umwanya ukomeye wo kugaragaza no gushimangira ubumwe hagati y’abayitabira. Ubumwe n’urukundo ni byo shingiro ry’imikorere myiza n’iterambere rirambye.

 'Abdu'l-Bahá arongera ati:

“Ikintu cya mbere gisabwa ni urukundo n’ubwumvikane busesuye hagati y’abagize inama… kandi iyo bageze ku cyemezo, bose bagomba kucyumvira.”

Muri rusange, Convention Nationale ni urubuga rw’ingenzi rutuma habaho ubufatanye, ubumwe n’imiyoborere ishingiye ku nama no ku mahame y’umwuka.

 Ni igihe cyo gusubiza amaso inyuma harebwa ibyagezweho, no gutegura ejo hazaza h’Umurimo mu mucyo, mu kuri no mu bumwe, intumwa zitabiriye iri yemeza zikaba zari 19 ziturutse hirya no hino mu gihugu.

Muri iri yemeza Kandi ryagize umwihariko udasanzwe kuko urubyiruko rw'aba Baha'i rwahawe umwanya yaba muri service, mu gususurutsa abaryitabiriye kuko kumunsi wa 2 w'iyemeza urubyiruko ruvuye I rwamagana rwahawe umwanya ndetse no kumunsi wa 3 aribwo wasoje iyemeza, urubyiruko rwa Kigali mu byishimo byinshi runyura abitabiriye iyemeza.

Itariki ya 20 cyangwa 21 Werurwe buri mwaka, Aba Bahá’í hirya no hino ku isi bizihiza umunsi mukuru wa Naw-Rúz, bisobanura “Umunsi Mushya.” Uyu munsi ni ingenzi cyane kuko uba ari wo utangiza umwaka mushya mu ngengabihe y’Abá Bahá’í, uzwi nka kalendari ya Badí‘, kuri ubu bakaba barinjiraga mu mwaka wa 183.