Embedded Files
Itangazo ry'Umuryango w'Ababaha'i mu Rwanda ku Kwibuka 32
Itangazo ry'Umuryango w'Ababaha'i mu Rwanda ku Kwibuka 32
Statement of the Baha'i Community of Rwanda on Kwibuka 32
Statement of the Baha'i Community of Rwanda on Kwibuka 32
An alternative Saturday night in Kigali
An alternative Saturday night in Kigali
Naw Ruz 183 B.E.
Naw Ruz 183 B.E.
Itariki ya 20 cyangwa 21 Werurwe buri mwaka, Aba Bahá’í hirya no hino ku isi bizihiza umunsi mukuru wa Naw-Rúz, bisobanura “Umunsi Mushya.” Uyu munsi ni ingenzi cyane kuko uba ari wo utangiza umwaka mushya mu ngengabihe y’Abá Bahá’í, uzwi nka kalendari ya Badí‘, kuri ubu bakaba barinjiraga mu mwaka wa 183.
Naw-Rúz iza nyuma y’iminsi 19 y’igisibo, aho Abá Bahá’í baba bamaze igihe biyegereza Imana binyuze mu gusenga, kwitekerezaho no kwiyubaka mu mwuka.
Ni igihe cyo gusubiza amaso inyuma, gusuzuma ubuzima bw’umuntu, no gufata ingamba nshya zo kurushaho gukora ibyiza mu mwaka utangiye.
Uyu munsi wizihizwa mu byishimo byinshi, aho imiryango n’inshuti bateranira hamwe bagasabana, bagasangira amafunguro, ndetse bagasoma amasengesho n’inyigisho ntagatifu.
Ni umwanya wo gushimira Imana ku byiza byagezweho no gusaba imigisha ku mwaka mushya.
Naw-Rúz kandi ihura n’itangira ry’umuhindo mu bice byinshi by’isi, ikaba ari ikimenyetso cy’ubuzima bushya, kuvuka bushya n’icyizere.
Ku Bahá’í, ibi bifite igisobanuro cyimbitse cy’uko umutima n’ubuzima by’umuntu nabyo bikwiye guhinduka no kongera kubaho mu mucyo n’urukundo.
Nubwo uburyo bwo kwizihiza bushobora gutandukana bitewe n’umuco n’aho umuntu atuye, ubutumwa nyamukuru bwa Naw-Rúz burasa hose: ubumwe, amahoro, urukundo no gutangira bushya.
Mu Rwanda naho Aba Bahá’í bizihije uyu munsi mukuru wa Naw-Rúz, by’umwihariko i Kigali, Aba Bahá’í ndetse n’inshuti zabo bateraniye ku ihuriro ry’Aba Bahá’í riherereye ku musozi wa Rebero, maze bafatanya kwishimira uyu munsi mushya. Ni ibirori byitabiriwe n’abakuru, urubyiruko ndetse n’abana.
Aho babashije gusangira amateka y’uyu munsi wa Naw-Rúz ndetse banishimana mu ndirimbo zitandukanye, ari na ho amatsinda y’urubyiruko yerekanye ibyo yigiye mu nyandiko ntagatifu zitandukanye.
Uretse aha Kigali, hirya no hino mu Rwanda abahahai mu uduce dutandukanye bizihije uyu munsi wa Naw-rúz.
Utwo duce ni Rusizi-Muganza, Ngororero, Kayonza mu duce dutandukanye twa Rukara, Kabare na Rwinkwavu; mu karere ka Musanze uyu munsi wizihirijwe mu duce dutandukanye nka Kimonyi na Busogo; akarere ka Kirehe, Gasange na Kiramuruzi mu karere ka Gatsibo, Nyamagabe, Nyanza-Rusebeya ndetse n’akarere ka Rutsiro.
Hose umunsi ukaba waritabiriwe n’ingeri zose, kandi bishimira ibyo bagezeho mu mwaka usojwe wa 182 ku ngengabihe Bahá’í.
Uko isi igenda ihura n’ibibazo bitandukanye—intambara, amacakubiri, inzara n’ibindi—Naw-Rúz itwibutsa akamaro ko kwiyunga, gukundana no kubaka ejo hazaza heza hashingiye ku bumwe bw’abantu bose, ikaba umunsi wo gutangira bundi bushya mu mitima, mu bitekerezo no mu bikorwa.
Naw-rùz ni umunsi wo kwibutsa abantu bose ko ari abavandimwe. Izina Naw-Rúz risobanura ko ari Umunsi Mushya. Aba Bahá’í bawizihiza nk’umunsi werekana ko ubwoko bw’abantu bwose bufite isoko imwe, isi ikeneye gutangira neza, yuzuye amahoro n’ubumwe.
Ni umunsi wo kwibuka ko turi umuryango umwe w’abantu.
Kigali
Kigali
Naw Ruz 183 BE
Muganza - Rusizi
Muganza - Rusizi
Naw Ruz 183 BE
Kimonyi - Musanze
Kimonyi - Musanze
Naw Ruz 183 BE
Kabare - Kayonza
Kabare - Kayonza
Naw Ruz 183 BE
Mubuga - Karongi
Mubuga - Karongi
Naw Ruz 183 BE
Musha - Rwamagana
Musha - Rwamagana
Naw Ruz 183 BE
Amatora Baha'i
Amatora Baha'i
Kuri iki cyumweru tariki ya 22 gashyantare 2026 hirya no hino mu Rwanda abemezi Baha'i bahuriye muturere dutandukanye bitorera abazabahagararira mu iyemeza rw'igihugu rizaba mu minsi irimbere.
Kigali ku iRebero ku cyicaro cy'abahai naho ababahai bo muri Kigali, Bugesera, Kamonyi ndetse na Muhanga batora intumwa 4 zizabahagararira mu Iyemeza ry'Igihugu. Uyumuhango ukaba waritabiriwe n'umunyamabanga nshingwabikorwa w'umurenge wa Gatenga mu karere ka kicukiro wabashije gukurikirana uko amatora Baha'i akorwa mu mucyo no mu bwisanzure.
Amatora mu Idini rya Baha’i ni imwe mu nkingi z’imiyoborere yaryo. Atandukanye n’amatora asanzwe amenyerewe ku isi, kuko ashingiye ku masengesho, ubunyangamugayo, n’umwuka w’ubumwe.
Nta kwiyamamaza, nta mashyaka, kandi nta guhatanira imyanya. Intego si ugutsinda, ahubwo ni ugukorera umuryango mu rukundo no mu kuri.
Kuki hatorwa Abahagarariye Abandi nk'Intumwa?
Mu gihugu hari aba Baha’i benshi cyane ku buryo badashobora bose guhurira hamwe gutora Inteko y'Ubutungane y’Igihugu. Ni yo mpamvu hatorwa abahagarariye abandi.
Izindi Impamvu z’ingenzi:
Guhagararira umuryango wose – Delegates bahagararira aba Baha’i bo mu duce batuyemo.
Kunoza imigendekere y’itora. Bahurira mw'Iyemeza y’Igihugu bakaganira ku mibereho n’iterambere ry’umuryango wa kiBaha'i.
Kwirinda politiki n’amacakubiri. Kubera ko nta kwiyamamaza, itora rikomeza kuba iry’umwuka, rishingiye ku kuri no ku bumwe.
Muri iri yemeza ku rwego rw'igihugu niho batora abanyamuryango 9 bagize Inteko y'Ubutungane y'Igihugu.
Shoghi Effendi, Umurinzi w'ukwemera Baha'i mu magambo ye yagize ati “Igikorwa cyo gutora ni igikorwa gitagatifu kandi kigomba gukorwa mu mwuka w’amasengesho". Akomeza ashimangira ko mu gutora bikorwa mubwisanzure ati, “Abizera bagomba kugira ubwigenge busesuye mu guhitamo ababaserukira… kandi birinda uburyo bwose bwo gushyiraho abakandida, n’iyo byaba mu buryo butaziguye.”
Aya matora akaba yarabaye mu kandi gace tugera ku icyenda hirya no hino mu gihugu tugabanyijemo uturere muburyo bukurikira.
Agace ka 1 kagizwe n'Uturere twa Rubavu, Musanze, Nyabihu, Burera na Gakenke bakaba barahuriye kuri duce duto zitandukanye muri utu turere. Agace ka 2 kagizwe n'Uturere twa Ngororero konyine. Agace ka 3 kagozwe na Rutsiro na Karongi. Agace ka 4 kagizwe na Kayonza, Kirehe, na Ngoma. Agace ka 5 kagizwe na Rwamagana naho agace ka 6 kagizwe na Gatsibo, Nyagatare, na Gicumbi. Agace ka 7 karimo uturere twa Kigali, Muhanga, Kamonyi, Bugesera na Rulindo. Agace ka 8 kagizwe na Rusizi, Nyamasheke na Nyaruguru. Naho agace ka 9 kakaba kagizwe n'uturere twa Nyanza, Nyamagabe, Ruhango, Huye na Gisagara. Amatora byagenze neza mu mahoro n'ibyishimo hose.
Andi Makuru
Andi Makuru
Ivuka rya Bahá'u'lláh 181 B.E. - November 3, 2024
Yubire y'Imyaka 200 - Feb 12, 2018 1:23:0 AM
Aba Baha’i bo mu Rwanda bakoze Iyemeza ry’igihugu - Jun 06, 2016 12:49:6 AM
Urubyiruko - May 22, 2016 12:37:37 AM
Kwiga ku byerekeye Intera y’ubukure ikurikiraho ku muryango Bahai - May 22, 2016 12:35:30 AM
Aba Baha'i bo mu Rwanda bagize Iyemeza ry’Igihugu - Jan 27, 2016 1:49:1 AM
Aba Baha’i bakoze ibiterane by’urubyiruko i Kayonza na Rusizi - Feb 15, 2012 5:42:31 AM
Aba Baha’i basuye Urwibusto rw’Inyanza rwa Jenoside yakorewe abatutsi - Feb 15, 2012 5:0:11 AM
Page updated
Report abuse