Ku wa 28 Kamena 2026, Umuryango w'Aba Bahá'í i Kigali wateguye Umunsi w'Ubuhanzi wahuje urubyiruko rurenga 60, aho abenshi baturuka mu duce twa Urugarama mu kagari ka gacuriro, Batsinda na Kiyovu mu kagari ka Kagugu.

 Binyuze mu ndirimbo, amakinamico n'imbyino, abitabiriye basuzumye uburyo inyigisho za Bahá'u'lláh intumwa y’Imana yashinze ukwemera kw’Aba Bahá'í zifasha umuntu gukuza imico myiza y’ubutungane no kubona ibisubizo bifatika ku bibazo urubyiruko rwibaza mu mibanire yarwo n'inshuti, umuryango ndetse n’ahobatuye.

Uyu munsi watangijwe n'amasengesho ndetse no gutekereza ku isano iri hagati y'ubuhanzi, ubuzima bw'ubutungane n'impinduka nziza z'umuntu. 

Mu matsinda mato, abitabiriye bahisemo ibice byo mu munyandiko ntagatifu z'Ababahá'í maze bazisobanura mu buryo bw'ubuhanzi binyuze mu makinamico, indirimbo n'imbyino. 

Aho kwibanda ku ihangana riba mu irushanwa, iki gikorwa cyashimangiye ubufatanye, gutekereza ku byo bize no gukorana n’abandi bishimye.

Ibyerekanwe ku mpera  w'umunsi byagaragaje ubuhanga mu buhanzi ndetse n'ubwumvikane bwimbitse ku buryo amahame y’ubutungane yashyirwa mu bikorwa mu buzima bwa buri munsi.

Uyu Munsi w'Ubuhanzi ugaragaza icyerekezo cy'Umuryango w'Ababahá'í cyo kubaka imiryango itekanye kandi iteye imbere, aho gusenga, gukorera abandi, ubucuti n'ubuhanzi bifasha iterambere rya roho n'iry'imibereho myiza ya bose. 

Nk'uko byasobanuwe n'Inzu nsanganyasi  y'Ubutabera  (Universal House of Justice), ubuhanzi ni "uburyo bukomeye bwo guteza imbere ibyishimo, kugira ubumwe gushimangira , gusangira ubumenyi no gukomeza gusobanukirwa," kandi bunafasha kugeza amahame y’ubutungane ku muryango mugari mu guteza imbere ineza rusange.

Ishyaka n'umurava byagaragajwe n'abitabiriye byatangiye gutera inkunga ibiganiro ku ntambwe ikurikira: gutegura igitaramo rusange aho urubyiruko ruzasangiza imiryango yarwo, inshuti, abaturanyi n'abayobozi bo mu nzego z'ibanze indirimbo, amakinamico n'imbyino byateguwe. Icyo gikorwa nticyizihiza gusa impano zabo, ahubwo cyanakomeza gukwirakwiza umwuka w'ubumwe, umurimo wo gukorera abandi n'icyizere byaranze uwo munsi.

Umuryango w'Ababahá'í i Kigali uteganya gukomeza kubakira ku masomo wigiye kuri uyu Munsi wa mbere w'Ubuhanzi no guhanga amahirwe menshi kurushaho kugira ngo urubyiruko rukoreshe ubuhanzi nk'inzira yo kubaka imico myiza, guteza imbere ubucuti no kugira uruhare mu iterambere ry'imiryango yabo.